وصية للأبن مالك الله يصلحه

[عبدالمحسن الرحمه]

قال من يشكي حياته حار والله في حياته=أعرف أن الخير والله في صلاتك ثم صلاتك
الزمان اللي زمانك صرت في علبة دواته=لو تذوق المر منّه بالصبر فعلن نجاتك
الزمن هذا يخوف مخفي ٍ غدر بعباته=بأي لحظه ياوليدي شدّ حبله في لهاتك
يا بعدهم ياوليدي أنتبه غدرة سكاته=حذري والله يا بعدهم برق مزنه مدركاتك
ذا زمانك لا يغرك شر وقته في نواته=مخفي ٍ نابه بدربك منوته والله مماتك
كم واحد راح عنه الفرح مرّه وفاته =وأنت خلك دوم واعي لاتفوتك مقبلاتك
شوف بعض الناس تهنا في معاشه في مباته=وأنت ما تقوى تصبر دمع عينك متعباتك
الزمان اللي يغرك لا تغرك مغرياته =لا لعب يوم ٍ عليكم لا تكثر من شكاتك
لا يغرك ياوليدي صوت ذيب ٍفي عواته=أشتك المولاك دايم واسأله يقبل دعاتك
السعادة السعادة من حفظ دوم ٍصلاته=هي نجاتك ياوليدي بالحشر والله سماتك
لا تقلد ياوليدي لهجة الغرب وعداته=خلكم ثابت بدينك لا تغير من عداتك
لا غفت عين الخلايق وهتنوا لذة سباته=اسجد المولاك ربك وسأله يحسن ثباتك
برّ بامك ثم أبيك مربح العبد ونجاته=تلقى برك في ميزانك راجح ٍفيه احسناتك
والدينك ياوليدي مكسب العُمرُ وحلاته=أسع دايم في رضاهم تنفرج لك معضلاتك
لاتأذي جارك اللي واكد الدين ابوصاته=عاملة بحسان دايم واكرمه تلقى جزاتك
خلكم دايم بجنبه في رخائه في عزاته=احفظ احقوقه وخلك واصل ٍمعه ابصلاتك
احذر الكذب وتجنّب ياوليدي مشكلاته=خلكم صادق بدربك خله ابدربك عصاتك
لا تكبر في حياتك لا تمسك في عراته=خلك ابنهر التواضع اشرب ونمّي نباتك
ياوليدي لا تقرب للحسد تهوي ابهباته=خلكم صافي السريرة مع قربين وخواتك
لاتصاحب من هروجه بالنمايم هي عداته=ابتعد عنّه وخله وتركه بقصى فلاتك
ياوليدي قدر اللي قدرك وحفظ غلاته=مدّ له كفك وخله يرتوي صافي فراتك
لا يغرك من كلامه يسحر العقل ابحلاته=لا لمع برق الشدايد مايلبي لك حجاتك
لاتصاحب ياوليدي من يسامر ملهياته=والله أنه ما يفيدك غير دينك هو نجاتك