لاترجع تراضيني

[ساهر الليل]

مصافحه كيبورديه ,,,, اتمنى ترقى للذائقه



ياصاحبي لاتحاول تتصل فيني =الحب في ذمتي ضاقت مساحاته
ياريت من دفترك تمسح عناويني =والا على طول تحرق كل صفحاته
صورة محياك طاحت من نظر عيني=والصوت ماعاد يطربني بنبراته
كم كان يا شوق في الماضي يدفيني=واليوم برد الشتا بانت علاماته
ماعاد يمديك من جرحي تداويني=ولا غرامك تقرب لي مسافاته
باسلاك وانساك دامك صرت ناسيني=حتى ولو تاه قلبي في متاهاته
ماني مدور حنانك وانت جافيني=حبك بقلبي تتعبني ملفاته
خلك بجوك ولاترجع تراضيني=يابدر شعشع بنوره في مداراته