قصيدة بلاك بيري

[سعيد عوده الحويطي]

اخواني اعضاء منتدى الفطاحلة اقدم لكم هذه القصيدة وارجو ان تحوز على رضاكم .



لا بارك الله فيك يا بلاك بيري=الله لا يجزي مصممك بالخير
اكبر مصيبه بالزمان الخطيري=وانته مدمر غالي الوقت تدمير
شبابنا كله كبير وصغيري=رسايلك شلت لهم كل تفكير
ليل ونهار للرسايل صفيري=مافرقت بين المباح ومحاذير
قايم وقاعد والا فوق السريري=عينه على الشاشة وضغط الازارير
كم مرة سببت حادث كبيري=من السائق اللي ماحسب زحمة السير
ولو تزعجه بالصوت ما يستثيري=كنه لحاله لو وقف بالطوابير
وعاداتنا غيرت فيها كثيري=وصارت مجالس ربعنا وضعها غير
لونك جلست بمجلس مستديري=تجلس وتمشي مادروا بالمسايير
كل على شاشة جهازه مغيري=ومطير عيونه مع المسج تطيير
وان قلت لهم ياربعنا وش يصيري=قالوا انت غافل والزمن فيه تطوير
زمانكم ولى يشر(ن) وخيري=واصبح زمان اليوم علم الازارير