زيارة وقصيده ،، الطامي

[الطامي]

يابو سعيد القرم منصور محتاس = من عقب مامريت مافيه دوعي
من شفت عزبتكم خليه من الناس = الليت طافي والغداري تروعي
ضربت بالكفين واخماس باسداس = وتجيني الافكار من كل نوعي
نويت ارجع قبل لاصل المرواس= ولمحت ضوح مثل ليت الشموعي
وخذيت لفه باقطع الشك والحاس= وشفت الموكل قال مابه سنوعي
ذالليل ماهو ليل نجر ومحماس = ولاهو بليلة كل قرم بتوعي
دوم لكم ماغير ذا اليل به ناس= طوف وتعدى لايجي بك طموعي
واقفيت كني غريب قاطع الياس= وحيد وبلجة بحر فوق شوعي
قلت العوض بالجاي من طيب الراس= الله يحفظه من شرور تفوعي
هذاك ناصر وارفع الصوت نوماس = وان قلت ابن عيده فتطرب سموعي