.. ياللي على كل الغـوانـي تــألـقـت .

[داعي الشوق]

*

استصغر الدنيا و في عيني تضيق = و تشين لو غرّبت فيها و شرّقت
ولا تسليني وجيه المخاليق = لو شفت من حسن النوايا و برقت
ولو شلت من عذب القوافي طواريق = ما تشوقني لو في بحرها تعمقت
غيبتك لو هي يوم يا حالي الريق = تقلب موازينٍ بعيني مع الوقت
و تجلب مواريد الاماني تواهيق = من عقب ما جمعتها لك و فرقت
يا بانيٍ صرح الهوى بالمعاليق = ياللي على كل الغواني تألقت
لو الغلا له عند ناسه مواثيق = ان كان مع خامة ثيابي تشققت
و سجلت لك في محضر الود تحقيق = و فنّدت لك كل المسايل و حققت
من كثر ما يهواك نبضي و تخفيق = شفني عليك بجو الاشواق حلقت
دونك حياتي يا شبيه الغرانيق = ياللي على شانك شكيت و تعلقت
تبدي لي ايامي بروق و صواعيق = واصبر على وقتي و بالحيل ارهقت
و احتار في وصف الشجون المغاليق = ولامن ذكرت انك معي يوووه روقت


http://www.up-king.com/almaciat/t9i27d0cuax64h6aamuf.gif