المشكله

[ماجد المهنا]

بسم الله الرحمن الرحيم

السلام عليكم ورحمة الله وبركاته

اعزائي

متواضعه .. عباره عن وجهة نظر وقناعه شخصيه

النجوم كثيره .. والقمم متعدده

أتمنى أن أرتقي وترتقون



صلوا عـ النبي



( المشكله ان الشعر ماهوب وزن وقافيه = والمشكله ان الكثير يهيم في ذا المشكله )
الناس من كثر السماجه والقلوب الغافيه = صارت تعاف الشعر واللي ينتمي له في صله
لابه جزالة مفرده ولا معاني وافيه = يعني فشل يتبع فشل من آخره لا أوله
يا شاعر اغلاف المجله لو رجيلك حافيه = غديت نجمٍ في عيون العالم المهوّله
والشاعر اللي ماخذا اثياب القصايد ضافيه = يبطي عظم مايغتني من جوع ولا تكّله
ولا يصح الا الصحيح ومابه اشياء خافيه = الواسطه تومي بنا من بهذله في بهذله
ضميت طعم الفلسفه عند العيون الصافيه = وارويت ناسٍ راويه تشرب زحاح المعضله
حبيبتي يــ أم الكفوف الناعمه والدافيه = لاصرتي أنتِ مسأله وشلون احل المسأله
يا اصعب تفاصيل الغلا واغلى من اسم العافيه = وابسط من انك تشعلين الشوق فيني والوله
قد اعتلي فوق النجوم الوالعه والطافيه = قد اعتلي بس الثبوت يخون في مستقبله
ماحدن يعيش (النجم الاوحد) فــالسنين الجافيه = والقمم واجد وكل منا يبي اللي يجمله
وأنا استطعت اثبت وجودي بين ناسٍ نافيه = ولا عجزت اسكْت اللي يعشقون البلبله
قناعتي بـــ أسمي .. وربعي .. والجماعه .. كافيه = أكبر كنوزي يوم كلن كنز دنياه اشغله
اذخر فواعيس الرجال الكايده والوافيه = والا الردي اشوم منه وابتعد واهمله


وسلامة روسكم



ماجد المهنا