ياكثر ما قلت ياليتي ويا لوي(بالصوت)

[الطائر المهاجر]

http://up.ftahilah.com/up/uploads/Laity.mp3


ياكثر ما قلت ياليتي ويا لوي = وضاعت فرص في حياتي مقدر احصيها
فالوضع ضدي وجوه خالف لجوي= والواو والظهر مدري وين الاقيها
والحظ نايم وصوته يشخر مدوي = وحتى الليالي تعاند في تحديها
مثلث الرعب في دنياي متلوي = باضلاعه العوج مدري كيف اخطّيها
يالله دخيلك انا مدري وش آسوي= فالعمر ولاّ وسنيني في ترديها
مثلي مثل ذيب من جوعه غدا يعوي= وحوله حصاني تربع في مفاليها
ولامن قنب قيل ليش القطو بينوي= ماعاد للذيب هيبه في اراضيها
نفسي بحر على مبداه متقوي= صامد ولا اهتم لو عاش بمآسيها
لاصحت له شب ضوه واشعل لضوي= بفنجال كيفٍ ينسينا بلاويها
لكن هالوقت حر اليوم متهوي= ويدربي الراس والذلات يشريها
يركض ورا المال في دنياه متغوي= نسى اصوله وعادت ومباديها
واعيش وحدي من الحرات متكوي= اندب سنينٍ مضت والقهر واطيها