ثورة احاسيس

[شاكـر محمـد]

ودي لو اني معاك اصدق من احساسي=لكنّ باكذّبه واقول ما احبّك
ماهو بصدق اني اشعر بك مع أنفاسي=ولا هو بصدق انني م اعرفك وأحلمْ بك
ولا هو بصدق ان شوفك صار وسواسي=ولا في خيالي رويت بشوفك ولبّك
منهو يقول ان دمعي يبلّ قرطاسي= لا جيت باكتب قصيده فيك تتحبَّك
والا انني نجم يعشق هجد الاغلاسي=سحره طيبك وجاك وطاح في عبّك
قلبي وخابره يشبه للجبل راسي=من قال زلزله سحر الحب واتشبّك
تعال واسمعه بالنبضات متواسي=ما هو ليا من طريت عليَّ يتلبّك
وانشده عنّك وليتك تصدفه ناسي= والا بلاها ترى لو تسمعه شّبك
انشد مشاعرك *لا من هبّ نسناسي= هو هبّك الشوق والا الحب لي هبّك
روّح وانا اروح واترك درب الافلاسي= لو تنجرح فيه ما ينفعك به طبّك
مالك باحاسيسي ولا لك بهوجاسي=اغليك لكن مافيني احتمل ذنْبك
ثورة أحاسيس جتني في زمن قاسي=وان كان صدقتها ذنبك على جنْبك