سهيل طرّف وجانا الوسم ياحيه

[حي الضمير]

كل عام وأنتم بخير ....

وأليكم هذه القصيده المتواضعة

نتمنى ان تحوز على القليل من رضاكم واستحسانكم



- اسهيل طـرف وجانـا الوسـم ياحيـه=وبشارتـه طلـتـه متـراكـم اسحـابـه
2- وبرقه كما فلاش ناش وانكشف ضيه=وبلـه تحـدر وسـال وسـيـل شعـابـه
3- من فضل ربـي ثمـان ايـام وسميـة=يبـرق ويرعـد وفيـه المـزن صبـابـه
4- والخير عم الوطـن شرقـه وغربيـه=البدو ويا الحضر كلن تهنابه
5- وهاض الحشاوانتشى من شـوق مافيـه=للديرةاللـي وطاهـا السـيـل وارسـابـه
6- (رغبه)دوى القلـب والعيـن الشقاويـه=هـي منوةالـلـي زمـانـة كشربنـابـه
7- عقب المحيلـه غـدت ريضانهـا فيـه=والعشـب ينبت وفيهـا الـذود يرعابـه
8- وياماحلا ياحمد فـي وقـت عصريـه=لاصـرت بيـن النفـود وضلـع الغرابـه
9- في روضـة ام الشقـوق ام الخزاميـه=عشب(ن) خضاره يشوق الرجـل ممشابـه
10- لاهب سريا الهـوى تشتـم عطريـه=من شيـح نفـل وخزامـن حيـل جذابـه
11- على غصونه تجر الصـوت قمريـة=وطير ام سالـم وسيـع الـروض تلعابـه
12- وفيها الزبيدي تشوفـه نهـد شاميـةوزلال غدرانـهـا ياحـلـو مـشـرابـه
13- والله لـولا الضنـا وامـي واهاليـه=لاقـضـي بقاياالعمراسـيـر بـرحـابـه
14- وياذا الشقا بتهبـا ماعـاد لـك جيـه=ولاجيـت يـاذا الشقـا تـب(ن)ولا هابـه
15- ويازين طعم المسا مع شبـة ضويـه=يمنـاك غالـي وذا مـن خيـرة اصحابـه
16- ومن بعد ذا يامـلا حنيـت ضحويـه=وعديـت رجمـآ طويل(ن)ليـن مرقـابـه
17- وجلست بـه هايمـآ واشاهـد بنّيـه=والفكر يـم الـورى فـي ساعتـي جابـه
18- وذكرني بربوعنـا وذكرنـي بابيـة=ومدهالنا اللـي مضيـت العمـر برحابـه
19-وقت(ن) مضى ياعرب بالسرج مضويه=واليـوم تحـت الثـرى مدفـون بتـرابـه
20- وقت(ن)مضى وانقضى ماعادله جيـه=هبـت هبايـب زمانـه واقفـت اركـابـه
21- ويالله يالله يـاعــلاّم بـالـنـيـه=ياللـي جميـع البشـر لرضـاك طـلابـه
22- تجعل لهم في جنـان الخلـد ماريـه=مع خيـر كـل البشـر نبـي واصحابـه