خايف على الدكتور

[هترل]

السلام عليكم ورحمه الله وبركاته


يقولون اذا تبي تنطح انطح جبل :)
وهذه المشاركه من باب الاحتكاك واكتساب الخبره والدكتورعثمان شاعر قدير
نجله ونقدره ..
وانا واجهته صبح الخميس على الشات صبحت عليه ومسكبي خط الله لايهينه .
والعذر والسموحه اذا فيها قصور


يالله يامعبود ما غيرك ونيس
ياحي ياقيوم يارب العباد

هاجمني الدكتور في صبح الخميس
واطلق عليه بندقه ظلم وعناد

مره يشبهني ببنقالي تعيس
واحيان تكروني دياره في تشاد

ومره على كيفه يسميني انيس
ولا موسوليني ولا ادري ويش عاد

خايف على الدكتور يلعبه بليس
ولا فطوره يالربع كبسة جراد

ولا من البارح مبيتها بـ كويس
واصبح وهو في وضع غير الاعتياد

مايدري اني في الوغا عنتر وقيس
من لابهٍ تاريخها عزٍ وامجاد

سيبان وانعم دونها يحمى الوطيس
الرجل فيها لاعتزى جاتك بلاد