شيطان شعري صارضد القوافي [الأرشيف]

منيع

19-02-2006, 04:13 PM

هذي ابيات قديمة لي حبيت تطلعون عليها كما ارجو ان تنال اعجابكم والله يرعاكم
--------------------------------------------------------------------------------------------

الشعرياابراهيم ماهوعلى الكيف=شيطان شعري صارضدالقوافي
والقيل مليته ولافيه تشريف=ولامن تركته مايقال النصافي (1)
سحبت نفسي منه من غير تخريف=ومثلك معي يعرف ولامن خوافي
العام في بحره ونرسي على السيف=وتنقادلي صعب القوافي عوافي
زمان والااليوم راحت سواليف=ماهوعلى خبرك لحقه الجفافي
بيتين والباقي يجي فيه تطفيف=ولامن زهمنا مايجينا اسعافي
راحت يابوشاهين ذيك الغطاريف=وصارت هزيله وسامها كل حافي
شعريباع وللدعايه تواليف=وكثرت على الساحه عقول اخفافي
عندك خبر في جلهم دون تعريف=ياما امدحو لين ارجعوللنكافي
صمو مسامعنا بزيف على زيف=ورعف يراع اهل الدجل بالصحافي
لين انها بانت وفاحت على جيف=وتجرع الجاير سموم الزعافي
لايحسب الظالم بعيد عن الحيف=الرب مايغفل والاقدار تافي
دنيا توريك العجايب تصانيف=وتفاجيك بهوال ولوكنت غافي
قاموسهامافيه ماذا وهل كيف=وسودالليالي ماتجي بنعطافي
تمضي كما حلم تشوفه مع الطيف=وحيت ولامعتراها اخلافي
ياسابق الرحمه سألناك تخفيف=رحمتك لاصارالثرى لي الحافي
---------------------------------------------------------------------------
1) النصافي الشاعر الكويتي المعروف صقر النصافي
وسلامتكم