جتنا الفتن ياناس منا ومنا

[نجم الإبداع]

المال فاض وصار من له ولد غيض=جتنا الفتن ياناس منا ومنا
لاتحسبون الوضع ياهل النظر ريض=في شامنا الفتنه وفتنة يمنا
الملحمه قامت وعناني الهيض = واهل الهوى يقلون ربي ضمنا
نجري ورى الدنيا شتانا مع القيض=ماهمنا فالروم والي رمنا
ننعم بفيض المال من فيض الى فيض=نسعى ورى الشهوات يومن عمنا
في كل يوم الجرح ياجيه تنقيض=ارض العرب وجروحها مادمنا
نشوف لكن ماعتبرنا من الشيض=في كل ديره شفت عبرة زمنا
مانفهم الا فالولاده وفالحيض=مات الجهاد ومات به ماكمنا
وين العداله فالمواقيف يامعيض=ماهمنا الا كيف نجمع سمنا
فوق البحر يجلب لنا الرز والبيض=ماتت مزارعنا وله ماوسمنا
ويل العرب من شر له فالبشر نيض=ينوض كنه رعد له ماقمنا
فلم انحرق وافلام تحتاج تحميض=وافلام نبصرها تجي لو خمنا
يالله تعز الدين والفكر توميض=وميض نور الدين بالروح منا