ذبل ورد الغرام ..الزواج لاشباع الغريزه

[الطائر المهاجر]

http://up.ftahilah.com/up/uploads/Mine/WrdElghram.rm

ذبل ورد الغرام ابلا احترازي = وبان اللي تخبّى من دزيزه
شراه اللي يظنّه فيه فازي= ولا يدري بشوكه او نشيزه
فلا هو من تعلّم بالمغازي = ولو جرحه تكلّم عن غزيزه
ولا هو عارفٍ وين المجازي = مثل من تاه واخطى في لزيزه
مابين الشرق وجبال الحجازي= ابي يصحى ولو لحظه وجيزه
ولكن طال نومه بارتكازي = تشوفه تحسبه صاحي قزيزه
انا وياه مثل الخاز بازي = اقلب فيه مدري وش جزيزه
تباعدنا ودربه بانحيازي = يفكّر غير ما تدري كنيزه
تلاقي كل خطّين بتوازي= قوانين الطبيعه ما تجيزه
يجفّ العرق من بعد الركازي = اذا من ركز في بطحا نزيزه
ويغرق دون سقياه ابروازي = يخيس بتربته لو هي عزيزه
اذا الرجّال فكّر بالجوازي = فلا يحكمه قلبه والغريزه
يطيح من السما صقر البهازي= ولا يسوى بسوقه لو بريزه
الا يالله بالطافك تجازي = فؤادٍ صار يشكي من فزيزه
قلق مع خوف بانواع الطرازي= من همومٍ تصافق به عزيزه
تكسّر مثل تكسير القزازي= ابي يجبر وعاودني كزيزه
يئست من العذل هذا نجازي= وقطعتي كل قولٍ يا جهيزه