قلبي معك حتى ولو يوم صديت(بالصوت)

[الطائر المهاجر]

http://up.ftahilah.com/up/uploads/Mine/gulbym3k.rm

قلبي معك حتى ولو يوم صدّيت = مهما حصل منك الهجر فانت معذور
ادري بقلبك صادقٍ يوم حبّيت = وادري الزمن قاسي ولامنّك قصور
وادري انا المسؤل يومي تجنّيت = وابحرت بك في شاطيٍ كان محظور
كان الأمل وهمٍ رسمناه واشفيت = نجمع ثمار الحب كالدر منثور
لكن خساره حلمنا راح وازريت = انسى واسلّي النفس عن حلم مبتور
وش فايده ياليت مهما تمنّيت= حظّي ردي وخاطري منه مقهور
يلعب بي الهوجاس والفكر تشتيت= ولا لي على وصل المحبين مقدور
ليه يازمن من جورك اليوم عانيت= اقضي بقايا العمر في كون مهجور
ظلام دامس وين مارحت أو جيت= ليلٍ طويلٍ لا شعاعٍ ولا نور
حاول حبيبي لو لأجلي تعنّيت = من غيرك اللي يجبر لقلب مكسور