تغيب الشمس او تطلع(بالصوت)

[الطائر المهاجر]

http://www.fatahilah.com/up/TgheebUshmsmx.mp3

تغيب الشمس او تطلع فلا هي = تغيّر ليل من يشعر بليله
تساوى الكون في كل اتجاهي = على من تاه ودروبه طويله
يصيح الجرح ما يلقى انتباهي= يعاود صرخته ترجع عليله
على مافات ويعض الشفاهي = ندم من بعد ما ضيّع دليله
يحسب الخلق مثله دوم ساهي= يحب الخير ودروب الفضيله
يثق فيهم على غير اشتباهي= الين إنه وقع وانهد حَيله
خدعه الطيب في عصر الرفاهي= وبان البرق في ظلما المخيله
فكم تحت السواهي من دواهي= وكم من قاتلٍ شيّع قتيله
وكم في الحب من ظنيت فاهي = طعنك بخنجر الحب السليله
وكنتَ به من اعجابك تباهي = كأن الله لم يخلق بديله
وكم من نفس تتبع للسفاهي= تدوّر وردة الحب الجميله
ولو هي فكّرت في امرٍ بداهي = اصيل الورد شكله مو دليله
يبان الحب من لعب الملاهي= مع الأيام تكشف زيف ميله
نزول من اول السلم وجاهي= ولا الطيحه بعد ترقى الطويله
ويطلع فجر يأذن بالنفاهي = على قلبٍ ذوى من طول ليله