رجعتي لي بعـد غيبـه

[الطائر المهاجر]

بصوت الفنان روض الغلا ( حمد العيد)
http://up.ftahilah.com/up/uploads/mysongs/Rj3tyHamad.rm
وبصوتي
http://up.ftahilah.com/up/uploads/Mine/Rja3tyLee.rm


رجعتي لي بعـد غيبـه تبين اللي مضى ينعاد = تقـولين اقبـل اعذاري فانا بالحب مرهونه
كفـاني ما حصـل منّك تعـدى كل حـد وزاد = تحمـلت الأذى لاجـلك وقلبي باح مكنونه
عطيتك ما تبي روحي عطيتني الهجر وعناد = ابي قربك يونّسني وحـال البعـد من دونه
اشوف الحب في شرعك بعيدٍ عن هوى الاجواد = يبي ياخـذ ولا يعطي مثل من يجحد ديونه
ترى يا مهجتي بعض الطيور ولـو بدت تنصاد = لحمهـا مـرّ حتى لو هقيتي البعض مامونه
تظنيني مثـل أوّل حبيـبٍ بالهــوى ينقـاد = ترى بعـدك تعلمنـا وفهمنـا الحب وفنونه
ضحكتي ما كفى واليـوم ابنقـذ ما بقى بالكاد = من جـروحٍ تركتيهـا بقـلبٍ بانت طعونه
زمن غـدّار ما يسوى اعيش الحـزن والانكاد = علشان اللذي في يوم بنى في قلبي حصونه
ابرحـل لا تقولي ليه بـدال بـلادك الف بلاد = وبصحى بعد غيبوبة وابنسى الحب ومجونه
واذا من جابني الطاري من الاحباب والحساد = وقـال الناس وين الطير فقـولي الله بعونه
انا مهـاجر الى النسيان ادوّر لحظـة الميلاد = طفل يبكي ، طفل يضحك وباقي الدمع بعيونه