الله يديم السلام

[الطامي]

بعد ان رأيت من يتفاخر بمن ذهبو مع وقتهم ولاكن ( النار ماترِث الا الرماد ) وعلى راي المثل ( كل وقت وله رجاله ) جأت هذه الأبيات تفسر حالها:-


لاتبدي الضحك من سنك وتتقول = ياللي عوايدك دايـم ماتخليهـا
لو يرجع الوقت مثل اول ويتحول = ناس نتغدابها واخـرى نعشيهـا
والوقت الحين ماهو وقتنا الاول = الاول تحول مع علومه ومافيها
لو كنت نادر عريب الجد ومخوَل = وسمعتك وسط الخلايق ماتداريها
ومعارفك من الاكابر شيِ يهوِل = ورجلك مع اهل الطلب منت محفِيِها
ولاذكرمن هو ضعيفٍ جاك متسوِل = ولك مجلسِ والنشاما ماتعشِيها
ترى حياتك خساره جعل ماتطول = الموت ولا حياتك حيث تمشيها
حياتنا بذا الزمن في خير وِتهوِل = نعمه علينا ياحض اللي ربح فيها
كلً على راحته شبعان ومفوِل = امن وامانِ ولياليِ مانحاتيها
الله يديم السلام ومن به نعوِل = بعد تدبير الولي ومن هو يداريها