اضرب على قوقول وعطني علومه

[الطامي]

أضرب على (قوقل) وعطني علومه =مــالك ومـال مجمعيـن الكلامـــي
واليا غدى لأسما الرجاجيل حومــه=فالمعمعه مثل الجـراد التهامـــي
احد(ن) يبيع رخيص وأحدن يسومه=تحصل أسمي مع كبار الأسامـي
بشعر(ن) اليا مر الخشــوم معرومـــه=يطيح من عوج الخشـوم العرامي
وقل للمغفل لا يواصــل هجــومــــه=ترى نظامــه يختلف عن نظامـــي
ما بيني وبينه نقاش وخصـــومـــه=مخاصـــم الجهــال عيـب وحرامــي
لعـل جســمـه يسترنـه هدومـــــه=ويجوز عن طـــرد الهوى والغرامـي
شعـــره يغذيه التـرف والنعومــــه=أرهف من النسمـه وريش النعامي
قل منهـــو الي ما تثنـى عزومــــه=اليا أحتمى الميقاف والشعر حامي
مثل السحاب الي ترادم غيومـــه=من يحتمي دوره عــداه الملامــــي
في موقف محدن يخلـــي لزومــه=كلن تلفـــت للفشــــق والحزامـــي
أحد(ن) تفاخــر به ربوعـــه وقومـه=وأحد(ن) مع الزحمه عليه السلامي
هــذي رســاله مبهمـه ومختومـــه=معها جزيل الشــكـر والاحترامـــي

الشاعر /راشد بن كريوين