سلامي على قصر الفطاحل ومن جابه

[نجم الإبداع]

سلامي عليكم يالفطاحل بشهر الصوم=سلام اللذي ماقد نسي يومن اصحابه
انا غبت عن نظم القوافي ومابه لوم = تفضيت لاهل الشقر وآنست محرابه
لقيته على لوحات فيها الفنون تعوم =على كل بحر وكل شاعر له نشابه
ولكن حب القافيه داخلي موسوم = يناجي صدى الوجدان بافلام جذابه
تعبنا من التفكير والعاشق المحروم =وعشنا مع اهل الشقر بانسام هبابه
ومن عقب ماغصنا بحور الطروق الحوم=رجعنا على قصر الفطاحيل واسرابه
لفينا وشفنا الفكر زاهي وفيه كلوم=وبشار باهل الشام ماكل زريابه
على الله نشكي والعرب سيفهم مثلوم=وكلن تحزّب وانتخى اليوم باحزابه
وحنا كتبنا الشعر من خافقن مصلوم=ولافاد نظم الشعر في ناس كذابه
على القاف نرسم لوعة الظالم المظلوم=على قرننا الخامس عشر كشر انيابه
ولكن شهر الصوم فيه الامل مشلوم= دعينا على الظالم ومن يقتل اقرابه
الا يالله انك تنصر الدين واخز القوم =هل الشر من فارس وبشار وانسابه