دون زعل

[منيع احمد القرني]

الــــدجّــــــه



اللي تعود على السفرات و الدجه =يضيع ماله وعمره في العزوبيه
يقول وش لي في الورعان والصجه = والزوجه اللي تنكد كل صبحيه
اخذ جواز السفر في الصيف واوجه= بلاد شرقية وبلاد غربيه
وامتع العين واعطي بالي السجه = واضيع الوقت مع هذي وهذيه
كل على راحته ويسير في فجه = رحلات بريه ورحلات جويه
بلادنا ما بها الا الحر والعجه = حتى ولو كنت في الدار الجنوبيه
ومصارف تفقر البطران وترجه = خلتني اترك بلادي كل صيفيه