تخيل لو تلاقينا ... جديد(بالصوت)

[الطائر المهاجر]

http://up.ftahilah.com/up/uploads/Mine/t5ialloTlagina.rm

تخيل لو تلاقينا بعد عمر من الفرقا = وكل مع شريك العمر والأطفال قدامه
وتلاقت عينك بعيني بنظره عجلةٍ سرقا= ترجّعنا لسنين الحب واجمل ماضي ايامه
وآمالٍ بنيناها وطارت كنها الورقا = ولا باقي سوى الذكرى تجدد طيف أحلامه
زمن غدار فرقنا احد غرب واحد شرقا = ولا راعى قلوب تحب صارت ضمن ايتامه
وعادات وتقاليدٍ قديمه كلها خرقا= تحارب من يحب ولو بيدها تعلن اعدامه
الا وش ذنبك وذنبي غدينا بموجها غرقا= نسايرها بلا ارواح كلٍ يكتم آلآمه
قدرنا انا تلاقينا بجسر الحب به نرقا = نحسبه آمنٍ واثره تهاوى فوقنا حطامه
وقطار العمر يسبقنا نشوفه لمحة البرقا = على الرجلين نتهادى بصحرا الوقت واوهامه
ابنسى وانتي انسيني ونقطع بالقلب عرقا= يذكّرنا بماض فات جر القلب لاسقامه
ونرجي يوم نتلاقى بجمعاء ما بها فرقا = بجنات الخلود برحمة اللي عدل باحكامه