خابرني على قلك سموح

[الطامي]

ياحبيبي ياغناتي يامدام = ماكفتك ؟؟اقول يالطيف روح
كلها لك مختصرها والعوام= وزبدة الموضوع يبغى له شروح
تحسبن حبك يروح بالكلام = والا حبك ياتي ايام ويروح
والا بيزيحه مشاريه وملام = والا يتلاشى مع كثر الجروح
انت حبك فوق ياصل للغمام = لاتمخطر يهدم جبال وصروح
وانت تسليمتك لاقلت السلام = تنشري لو مابقى لي غير روح
وانت طيبك بعد ربي مايسام = مايعد ولا يقاس ولا يزوح
جعل يفدونك ناقشة الوشام = قلتها من جد ماهي بالمزوح
نظرة منك تخليني عدام = وبسمتك لاشفتها سمٍ ذحوح
اتق الله والجفى منك حرام = دام خابرني على قلك سموح