الحقيــــــــــــــــــيقه

[فارس القوافي]

الـــحقيقه كـنت احب وكـــان لي قلبٍ كــــــبير = كنت من حبي لـــحبك؟ اروي الروح بـضماي

والحقيقه كنت صــــادق أحضنك وامسي سِهير = كنت خايف لا أخونك او تشـــــكّين بوفــــــاي

كنت اصــــدّق كل كلمه واستــــمع لك للأخـير = واحفظ الحكي بخـــيالي ثمّ اصـــــوّره بـهواي

كنت لاغبتي ؟ أجــــيلك أسألك وشــــفيك خير = ياعسى ما طــــاح دمعه او تـعكّر لك صــفاي

كنت مجنون وخـيالي كـــــنت بيد ينك أســــير = كنت رومنسي وشاعر وانـــــتي البدر بسماي

كنت اموت إليا حضرتي واسرق انفاس العبير = وكنت اموت إليا رحلتي واتبع القلب ابخـطاي

كنـــت من زود الوفا لك لاطروا إســمك أغير = اقلب الدنيا عليهم واحـــــترق واشعل لــظاي

كنت احنّك من عتابي واحمل اهمومك واسـير = خاف لا يغلط لـــساني أو تــــــقلّي من غلاي

والحـــقيقه بعــــترفلك صرت معدوم الضمير = صرت متشبّع وخـــاين ما فرق عندي ضناي

صار لي شعار واحد ( كل فطـــيره ثمّ طير) = ويش ابي في حب ضايع ما يجـيب الاّ عناي

صار يسكنّي برود وصــــارت اشواقي بغـير = فاقد الإحـــساس ميّت مايحرّكنــــــي سـواي

لا تقولي لي احـــــبك صـــــــدقيني ما يصير = كلـــــمة الحب بزمنا مثل شرب قلاص ماي

ما أبي اســـمع كلامك وفري حكــــــيك كثير = وان بكيتي دمعتينن امســــحيها مو خطاي

الخــــطا إنك تحبي ما حســــبتي للمـــــصير = تحسبين اني اببقى دوم ما ينقص عطـــــاي