طلعة البر

[محمد القويماني]

السلام عليكم ورحمة الله وبركاته
جديدة لعل وعسى ان تنال رضاكم




طلعة فاالبـر مـع ربـع نشامـا=
اعتبرها عيد من ضمـن العيـادي
مااحسن المطلاع فـي جـو تمـامـا=
مامعتدل لاهوب حـر ولابـرادي
كل مانسنس والى ريـح الخزامـا=
ريح رعبوب عليها الحسـن بـادي
سايل مثل امس من مـزن تهامـا=
ابيض الماء ضايق به كـل وادي
انجلـى نـوه وجـوه ياسـلامـا=
السماء صافي ماهوب ازرق رمادي
والرياجيـل العزيزيـن الحشامـا=
ماحداهم عن سبيل الجـود حـادي
حاضرين فاالطلـب دايـم ولامـا=
فـوق فكسـات يبوجـن الريـادي
رايهـم واحـد ولافيـه انقسامـا=
مابهـم عيـة ولا فيهـم عنـادي
روحوا في فالهم وامسوا على مـاء=
واعمروا نار تقـدي كـل غـادي
قربـوا صفـر تقـدم للكـرامـا=
قندوهـا باافخـر انـواع القنـادي
والعشـاء كبـش يساقيـه اليدامـا=
حايفه قرم علـى الكرمـة ينـادي
بعدها جـات السوالـف باانتظامـا=
والقصيد مـن القدايـم والجـدادي
واستوى المجلس على جزل الكلاما=
والكلام الجزل خير من الـدوادي
بينهـم قـدر ومـودة واحترامـا=
مادخل في قلوبهم غـل وسـوادي
مالحقنـي فـي مخاواهـم ملامـا=
خوة رجال الوفاء غايـة مـرادي
واحد ماتعب قـدم رجلـه وهامـا=
اشهد انه مـن حياتـه مااستفـادي
لـو نعـد ايامنـا يامـا ويـامـا=
كـل يـوم راح لايمكـن يعـادي