عكس الاتجاه [الأرشيف] - منتديات الفطاحله

محمد اسماعيل الرفاعي

28-04-2012, 02:12 PM

...oooO............
...(....)…Oooo….
….\..(…..(…..)…
…..\_)……)../…..
...………..(_/…...
كُت ماشي عكس الإتجاه
والهم صِبِح فوق ما أطيق
ضهبان ومتوهدب عديل
ما خابر امشي ف يات طريق
عيني بقالدِن في الطشاش
داب ما خلاص عزّ الصديق
والقايلو مسكون بالجمال
جرّحني بي قولو الصفيق
ظنّيتو حاحاية شقاي
ولقيتو ليك أكبر شليق
خلاني أمضغ مُر أساي
ينتح جواي جرحو العميق
من جورو زازابي الزمان
ختاني في أضيق مضيق
طوالي مطعون بي قفاي
والطعنه من أقرب رفيق
أديتو من قلبي الحنان
أداني كدره وزيف بريق
سكنتو جواي بي بلاش
بي غِلّو كرّهني الفريق
دوزنتو إحساس من غناي
ولّع حِداي أبشع حريق
غطّسني في بحر الهوان
والقشه ما بتنقذ غريق
قامت قيامتي إذن براي
وروني بس ... كيفن أفيق ؟
من نومي من كابوس غباي
ارجع واعود حراً طليق