قصيدة الحريم والسوق

[سعيد عوده الحويطي]

اخاني اعضاء منتدى الفطاحلة اقدم لكم هذه القصيدة بعنوان ( الحريم والسوق ) ارجو ان تحوز على رضاكم .




السوق في الماضي كثيره رجالي=واليوم صار السوق كله نساوين
وصار الرجل سواق لام العيالي=ولا جلس بالبيت عند الوراعين
وتلقى المره في السوق بالكعب عالي=متمخطرة في ضيقات الفساتين
والسوق تاخذه يمين وشمالي=ولا تتعب من اللف بين الدكاكين
وان خشت الدكان من غير والي =ياسرع ما تكشف عن الوجه والعين
وتقلب الدكان من كل جالي=اما اشترت ولا تخليه بعدين
وتبلش البياع بكثر الجدالي=من غير حوس بضاعته والمتاعين
ولا فرقت بين الحرام وحلالي=الاجنبي لو شاف ما يخالف الدين
ما تحسبه رجال فيه الكمالي=تقول ذا عامل ضعيف ومسكين
ما تدري ان ابليس عنده رجالي=والعامل المسكين جندي شياطين
ولا اعمم الموضوع في كل حالي=ولا اخص به الا ناس منا قليلين
والحمد لله طبعنا مايزالي=مادام في امة محمد تقيين
وصلاة ربي عد ذري الرمالي=على نبي وضح الشرع والدين