لا طاول الهم يضعف عالي الهمه

[الطائر المهاجر]

لا طاول الهم يضعف عالي الهمه= حتى ولو كان ضلعٍ شامخٍ راسي
واكبر هموم الرجل لاجات من يمه= من اقرب الناس ممن مابه احساسي
يعيش يومه اناني الغير ما همه= رزقه ببطنه اذا من جاع يحتاسي
ماجت غدت به فلا من رزقٍ يلمه = ومن شاف صرفه يظنه تاجر الماسي
والاّ انه اللي ورث قارون ابن عمه= يكشخ ويبذخ بلا تفكير ف افلاسي
وهو على الدين والاقساط الى كمه= ماهوب سائل ولو هي صارت اكداسي
ما يقبل بشغل إلاّ ان كان ف القمه = مدير ولاّ امير ٍ يحكم الناسي
ولا من تحدث تعرف الكذب في دمه= يخدع لغيره وحبله دوم بامراسي
مثله يحيرك خوف يطيح ف مطمه = ويلحقك لوم الذي يحصون الانفاسي
من كل جاهل يحب النقل والنمه = ولا يدري انك بذلت الجهد بالساسي
فالنار ترث رمادٍ يجلب الغمه = والنخل يمرض اذا من جاه دباسي