ياعون ,,

[حرف وشعر]

قال العرب من قبل ماتحلب تيوس= واليوم انا شفت اللبن فى التيوسى
بالعون ياوقت (ن) نخر عضمك السوس=وعضت عليك النايبه بالضرورسى
وتظلمت لشرار والحال معكوس= وزين عجوز النار ثوب العروسى
وتوافق المنحوس مع راى منحوس=وش صدروا ياسعود غير النحوسي
وصار الحكى بفلوس والصمت بفلوس=والروس نامت والعصاعص تحوسى
نضحك ونبكي كنه العقل ملحوس=ونعود نبسم بسمة العيدروسى
ضعف الضماير صيّر الحال منكوس=صوت الدراهم مع رنين الكؤوسى
لا والذي يسمع صدي كل هاجوس=ماضرنا الاّ ضعاف النفوسى
كل الذي جانا مخطط ومدروس= وكنه مع التشبيه حرب البسوسى
تكاثرت لاراء والحال ميئوس=والجرح دامى والعلاج محبوسى
ياتيم يازهران يالحج يادوس=يهل اعنزه يارافعين الرؤوسى
ياسبيع ياعجمان ياازد ياقوس=ياعتبة الهوزان ياطي سوسى
يامطير ياشمران ياهبة الكوس=ياسهل ياكهلان يايام دوسى
دوسوا على كل خاين وكل جاسوس=واهل العماله من خبيث ومجوسى
ردوا هل التخريب بالرمح والقوس= لاتتركون الشر فينا يجوسى
وعذرا من الباقي ترى القاف محبوس= وكل القبايل والنعم ياهجوسى
والله يصون الدار ريّس ومرؤوس=من كل شر(ن) خافي (ن) ومحسوسى
طاعة ولاة الأمر حق(ن) على الروس= ماينزعه الا جهول (ن) نحوسى