مجاراة الشاعر عيد مربح (كاســـــــيت)

[الآكيد]

يالمور خذ خانة الخامس من اليمنا=تحتر تبرد ترى الاخلاق خربانه
والله لتبطي وحنا ماتفاهمنا=مادام ميقوع ماعقبت قلبانه
لاتشتكي الظلم حنا الوقت ظالمنا=ودليل ظلمي تراك تشوف برهانه
البارحه مع ثلاث ايام مانمنا=مكينتك تشتغل والعين سهرانه
ان اقبلت خصمنا يقضي لوازمنا=صدقانة تستحل بيوت صدقانه
وان ادبرت شدنا يكرب محازمنا=ونجذب بدلوٍ يضيع ماه شقانه
نصيح لاقرب صديق ولا يجملنا=وتشوف رمز الغضب باطراف حجانه
والله يجيب الصديق الي يطمنا=ابساله عن غريب وحال جدانه
لو ميدنا البعد مرينا وسلمنا=مير البلا شوفة الديان ديانه
عز الله انا بها الدنيا تعلمنا=درسٍ صعيبٍ على التلميذ نسيانه
=عيد مربح الرشيدي





البارحه عيد مربح معه حزنا= من شان شوفة غريب وشوفة اعيانه
عزالله انا من القصه تأالمنا=قصة رجل من رشيد ومنطق السانه
والفكر هوجاس وافكاره تسيرنا=تاتي بجزل القصيد وجزل قيفانه
عرفت مضمونها من يوم شغلنا=كاسيت شعر(ن) صدر من نبض وجدانه
واخذت اعيد القصيده لين حصلنا=دمع(ن) على الخد والعينين سهرانه
والدهر ماهوب رايق ليش يقهرنا=من دون وصل الحبايب صك بيبانه
امور دنيا عسى ربي يخارجنا=واحوال ناس(ن)مع الاوقات خوانه
ناس(ن) تعيش بسعاده ماتقدرنا= وناس(ن) على العطف والارحام ولهانه
فهد مطر شيلها شيله وخبرنا= هاذي صداها وصل من شان جيرانه

= خالد عتيق النفيعي