بـــكره...؟

[عبدالرحمن بن زهير]

متواضعه واتمنى ان تنال اعجابكم..

تغفى عليك العـيون وتنتظر بـكـره=لاكنّ بكـره ما هـو بـمـغير"ن" حاجـه
الـهـم و الـغــم والـغـربال مـحـتكـره=وضلوع صدري من الاحزان لجاجه
منك الخفوق اشتكى من ضيقه وفقره=وانت الغني ماحسبت المال وخراجه
واقـف عـلى سكتـك والروح منكسره=واشوف فـيك الغرور وبك تبهراجه
وتنام وانا مـواصـل بـاقي الـسـهـره=بين الطواري وصلف الوقت وزعاجه
الشـوق عيا يسـج ودق لي صدره=وانا انـتـظر فـزعته للضيق وفراجه
ومـاعـاد بي للـمحبه طـاقه وقـدره=والـكون ضـاقت عليـه واسع فجاجه
امـا تـجـي يـاخدين القلب ياعمره=واشـوف لـهفـت خـفـوقك يوم نتواجه
كانه على عهدنا ويحب من صغره=صافي وباقي هماج الوقت ماماجه
والا بلاش انتظر واحسب على بكره=تعبت من حرقة الجوف وتوهاجه