كــبــر الــمحبــه

[عبدالله الدخيل]

بسم الله الرحمن الرحيم
السلام عليكم ورحمة الله وبركاته


متواضعه بعد إنقطاع علّها توثّق حبال الوصال




يامرحبا بالطيف لو كان عاصيك=يكفي عن غْـيابك دفاه وظلاله
صدّ وتغلّى ماني اليوم باكيك=ذقت الهوى في صدّتك مع وصاله
دامي إلى شفتك في طيفك اناجيك=ماني على لـقـياك يازين والــه
ودامي إلى ضقت فْـبعادك أواسيك=في ضمّـتي للطيف قبل انخـذاله
ودامي على درب الوفا عشت وافيك=ما همّني لو صرت تذخـر رساله
ودامي أحـبّـك والمحبه تداريك=حكم المحبه راضيٍ في عداله
ياللي عيون الناس لا شفتها فيك=أضيع كـنّـي وسط صحراي داله
كـبْـر المحبه صابني من تـغلّـيك=ولا فـؤادي في غرامـك ضـلاله



وسلامتكم
أخوكم \ عبدالله الدخيل