النمام ,, كيبورديه

[حرف وشعر]

شر النميمه كنها لدغة الغول =عوق (ن) وماله عندنا من يطبه
هذى حقيقة ماتبى اى مدلول=يالله تكفينا مواريث غبه
مجبول من طبعه على الشر مجبول=ماراقب النمام لاشك ربه
لو كنت انا بالدار راعى ومسئول= والله لرمى كل نمام غبه
وخوفى على الحيتان والموج واللول= لامن رميته صوبها تنتشبه
كم واحد(ن) من سبته صار مقتول=وكم منزل النمام بالنار شبه
أمفرق الجمعات بلسان معسول= ياتيك مثل الواحد اللى تحبه
ذا مذهبه ياصاح حول ورا حول= ياجعل دار (ن) للبلا ما تذبه
مهبول ياسامع لنمام مهبول= لاتستمع له كب هرجه وكبه
هذى نصيحة شاعر (ن) حدد القول=ماهى دعاوى شر ولا مسبه
والعاقل اللى يعجبه كل معقول=سالم من النمام واللى ينبه