لــكـــبار الـشـــعـــــــراء فقـط

[سعود القت]

الرضا بالجبر واليـاس والمشقـي يراعـه = والولع معكوس للروس والنفـس وجزعهـا
والفكر والميز والصمت والوازن وصاعـه = والدهر والمسني ودلوه اللـي مـا شلعهـا
والخطيب اللي يوصي على كنـز القناعـه = سرع منهى خطبته عاودت نفسـه طمعهـا
بين كبح النفس وجموحها ساعـة وساعـه = منتهز فرصة ولا شاف له هوشة فرعهـا
استدل بمـن يميـز عدالـه مـن متاعـه = ولا يطيع النفس لا خالفـت سكـة سنعهـا
بس سار بدرب موحش وعقب فيه راعـه = وارتبش حتى قطف طلع غرسة ما زرعها
شبهه من قـاس فكـره بـدلال البضاعـه = سلعةٍ بيعت بسومـة زبـونٍ مـا سمعهـا
واحرموه من السعي وافلس لكسب الطماعه = خوصة الصانع وطاحت على يد من صنعها
وان نخيت الحظ بـادر بوقفـة والتماعـه = طلع ذيك الشجرة اللـي عناقيـده هزعهـا