موت مستوره ..

[النداويه]

كتبت بدموع الحزن في ليلة الحزن



يالله ماكبر مصيبتنا وماقواها=دكت صدور من الفولاذ معموره
زادت حمول على الغارب حملناها=زود على علة بالجوف مأسوره
اليوم جتنا علوم ماخبرناها=ولاحسبنا حساب لموت مستوره
بالامس معنا ونروى من عطاياها=فرايد نادره بالذهن محفوره
لآمن تحاكت يدن القلب وياها =شعر يسلط على الوجدان بشعوره
يسج معها الفكر ويعيش بحماها=ويرقى على قمة الاحلام باسطوره
سحابة تروي الشعبان من ماها=ونسمهْ تبرد خفوق الي صفق زوره
عين النداوي بكت ياويش بكاها=من عبرة بالضماير جات مجبوره
الحزن خيم وقلبي يتبع خطاها=والنفس من بعدها والله مخطوره
أخر كلام نطق به همسة شفاها=تنفسوا والنفس له بالحشا دوره
راحت وحنا بعدها اليوم ننعاها=يالله تجبر مشاعر جات مكسوره
لو طال عمر الزمن وشلون ننساها=ماجور ياقلبي وياعيني ماجوره
يالله عسى جنة الفردوس مثواها=وانك على قبرها تشعل لها نوره
ادعوا لها المغفره والعفو يغشاها=وييعد لهيب المسد من روح مستوره