إمتى تفارقني الأهات

[هيثم نور الدين]

إمتى تفارقني الأهات
إمتى تمر بيا الساعات
من غير ما توجعني الحقيقة
من غير ما يقتلني السكات
.............................. ......
نفسي أعلي صوتي و اثور
نفسي أقول والدنيا نور
إنك خلاص مالكيش مكان
في قلبي حتى او ليكي دور
.............................. .......
فادنا بأيه صبر السنين
معناها إيه كلمة حنين
لو بعدها حنقول وداع
لو بعدها جرح وأنين
.............................. .....
بتعدي عمر سنينه ضاعت
ما انا عشت برضه نفس السنين
أحلام وياما فـ قربي تاهت
وحلمي انا .. أنا منه فين ؟؟
.............................. ...
لا تلومي قلبي ولا لوم عليكي
اخترتي بعدي يعني انتهيتي
كان بينا كلمه وهانت عليكي
من اللحظه دي إنتي اتنسيتي
.............................. ..
يا حقيقة صعبة نفسي اسالك
انتي كتابه ولا ملك
إزاي تكوني بوش خاين
و وش تاني بيجملك
............................
خدعت قلبي لما قبلتك
تكوني قلبي وانسى حقيقتك
وانسى خيانتك لقلب غيري
واسلمك قلبي تخونيه
.............................. ...
مأدرش الوم حد ألا نفسي
مأدرش الومك رغم انه نفسي
ما أنا اللي قويتك تخوني
وأمنتلك وسبت نفسي
.............................. ....
كان لازم أفهم من البداية
كان لازم أقرأ أخر الحكاية
إن اللي باع غيري عشاني
لازم يبعني أنا في النهايه
.............................. .....
واديني من نفس المرار بشرب وادوء
واديني على نفس الحقيقة بصحى بفوء
إن اللي داس على قلب غيري
سهل إنه ياخد قلبي طوء
.............................. .....
يغرقه فـ وهم الحكايه
يعدي بيه لشط النهايه
وبعدها من كاس خيانتك
لازم يدوء .....لازم يدوء