هذا هو الواقع ومن غير تسويف

[نوض القصيد]

لي مجلسن فيه استمع للسواليف = واحسب لجلستنا جميع الثواني

كم ليلتنا كل السوالف على الكيف = اسج في عالم يبرمج كياني

مارحت لتويتر ولا جيت تكليف =و برلنقو ما شد الفكر بالاغاني

لي منهجن ما حدني لجله السيف = اسامره لين اصبح القلب اناني

هذا المعرف ما له اليوم تعريف = مثل الجبل راسي بزين البياني

طيفك يزور العين ما اجامل الطيف = ونجمك تعلا يا سهيل اليماني

احترت في وصف السنيين المراديف = تصلاه شمس وتشتكي للمكاني

هذا هو الواقع ومن غير تسويف = الحر ما حده على الضيق شاني

ينوض نوض البرق في حلت الصيف = ويركز مثل سهمن ركز بالمحاني

الكلمه اللي منه تحتاج تصنيف = صنفتها من عشر واربع ثماني

الاربع الاولى بداخل مظاريف = واودعتها قلبن وعقل ولساني

والثانيه تملا جميع المغاريف = مدة كريمن ما يدور الهواني

والثالثه دارت رحاها العواصيف = بارضن خليه ذيبها ما حداني

والرابعه جاني غلاها مراديف = شربت من فنجالها الارجواني

دلة شرف ما فوحوها الملاقيف = ولا ساق لي فنجالها مودماني