عاد لي شوق قديم وعدت له من تالي

[سحيم الصيعري]

السلام عليكم ورحمة الله وبركاته


اعضاء المنتدى الكرام ،


مصافحة اخرى لاذواقكم الراقية

وارجو ان تنال استحسانكم




عاد لي شوق قديم وعدت له من تالـي=جدد المحبـوب قصـة بنـدر المنسيـة
كنت احسب اني نسيته واختفى عن بالي=مادريت ان الغلا يخلـف دروب النيـة
وكنت احسب اني على كيفي بكل احوالي=واثر راعي الحب مايدري عن الحريـة
ليتني يـوم الثلاثـا ماتركـت اعمالـي=ولامشت رجلي بدرب الحارة الشرقيـة
عدت من جد وجديد ابكي على الاطلالي=ردنـي زيـن النبـا للحـب والقافيـة
جيت له وشلون مدري كيف جيت وجالي=ماوعيت الا وانا اشـرب دلـة مركيـة
من يميـن لاعدمناهـا يميـن الغالـي=كـل ماشكـرت لـزم قهـوة بـريـة
اذكر انه عن يمينـي والـدلال اقبالـي=وانتكلم فـي الغـلا والسيـرة العاميـة
والعتب بيني وبينه والحديـث اسجالـي=كل منا يبعـد التقصيـر عـن شاطيـه
وعاد حن في سالفتنا والحديث اجمالـي=مادخلنا فـي مواضيـع الغـلا الجديـة
غصت العبرة بحلقي واخلفـت موالـي=والحكى اللي كنت اقوله ماطلـع باقيـه
واختصرت بكلمتيـن للحبيـب الغالـي=الزمن حاشك وجياتـي ماهـي عاديـة
وقلت ياسبة شقـاي وياسبـب غربالـي=وياسبب كل الجـروح الميتـة والحيـة
والله ان تبطي وحبك في الحشاء مازالي=قد بغيت اسج منـك والجـروح معيـة