علامك ترخي النظّره

[ماجد الراشد الهيري]

علامك ترخي النظره أذا مريت من صوبك=توانى بالعشق لحظه وتتكبّر على ذاتك

ترى لو كنت في ميّه عرفتك من طرف ثوبك=ولو مابان فيه الاّ من الخافي بداياتك

أنا من يوم ماشفتك وانا ميت ومذهوبك=أجافي النوم بعيوني أذا بانت علاماتك

سواد الليل لوحالك أنا سرته على دروبك=لو اخذ بالهوى دوره انا مجنون دوراتك

أنا احبك على حلوك وأحبك حتى بعيوبك=تمنىّ وش تبي أكثر أذا عيني ترى جاتك

تبي تعرف بعد أكثر انا للحين مسلوبك=يصوت الروح في قلبي أذا صحته باهاتك

حقيقه تجمتع فيني وتتبعثر على اسلوبك =وانا ماعشتها الّا على كيف ابتساماتك

عطيني بالغلا وعدك وانا اكتبها بمكتوبك =واجدّدها على حولي اذا لي عمر باوقاتك

أبي واقول واتمنى وافسّرها على نوبك =واصافح بالكفوف اللّي تحنيّها بحنّاتك

تصور لو على شرقك ولو هي حتى بغروبك=يلوح بقلبي الوافي وأعانقها مساراتك

شمالك زاد في وصفك وانا خلته على جنوبك =حشى والله ماضاعت عيوني باتجاهاتك

أذا للحر في جسمي تظلّل منّه لاهوبك=أجل وشلون في بردك أذا تنطق عباراتك

شعر\ماجد الراشد الهيري