بذرة الحب

[عصام عبد الحميد]

حوشى عنى حواشيكى

وبعزقى شواشيكى

فى كل ميدان

دى كانت هنا فيكى

ثورة من شباب بيكى

حوشى كل طواحينك

وخليها بس لطحينك

ولقمه عيش فى كل مكان

فوتك من خسيس جارك

فى يوم النصر راح جالك

لاجل يهنى ويبارك

وساعه صرختك فاتك

ثورتك لساها فى ايدك

محفوره على صدرك

ومنقوشه على جبينك

طواغيتك ؟؟؟؟؟؟؟؟

خلاص راحوا مع اللى راح

خللى ثورتك اصلاح

واوعى تبكى على ا للى فات

دى كانت غمه مش عتمه ومن غير نور


والفرحه مستنيه ليوم فيه الفرج ميسور

ومتخافيش من بكره

مسيره حاييجى بحمل زهور

عشان ولادك الشهدا تنام فى سرور

حوشى عنى اغلالك الصداه

حررى ايدى من قهر كان مجبور

خليكى وكل من صنعك بلا استسلام

ثوره جت تحمى للارحام

تنسى انها عاشت يوم فى زحام

ترمى بذره الحب فى ارضنا بسلام

ومهما الظلم كان بيننا

لازم العيون حتنام