قصائد كوميديه للطائر المهاجر

[الطائر المهاجر]

http://www.fatahilah.com/up/ebnywbnty.mp3

في حديث الصراحه والبساط احمدي = انشد ابني وبنتي عن شريك الحياة
قلت يبني شروطك ، خلنا نبتدي = لاتبالغ وخلّك عاقلٍ في الصفات
قال ابيها غصن مياس غض ندي = ريم ما له مثيل بْساير الكائنات
خدها الورد في بدر السما يسجدي = ومبسمٍ من زبرجد فيه سكر نبات
والرموش المظله بالحور تقتدي = وموج ليلٍ تكسّر في جبال السرات
معها اعلا شهاده للأدب ترتدي = وراتبٍ فوق عشره غير جزل الهبات
واهلها بحرهادر للخضر نقّدي = كل صيف بديره في جميع الجهات
مالهم غير بنتٍ والأبو مقعدي = كودي اكسب عروسٍ مقبله للغناة
قلت ونتي شروطك اوجزي يبعدي= وش تبين بخطيبك من جميع السمات
قالت ابغاه رجلٍ يفتهم مقصدي = فاهم كيف يكسب ما تعوقه حصاة
عادي في الوسامه خاتمٍ في يدي = لو هو اصغرأفضّل ما يعرف البنات
له اصولٍ يعانق فخرها الفرقدي = عايشٍ مع عجوزه وماله ايّة خوات
قلت يكفي عيالي هرجكم ينقدي= قاعدين بكبدي دام هذي السواة
المره يا عيالي عقل لا مشهدي = فالشهادة خديعه دون عقل وثبات
والمره دين باخلاق بها تحمدي = ولا تزمّت تحارب رجلها بالفتات
دوحة له ظليله لوهو هيس أربدي = لزم تصبر وتسعى تْغيّره في سكات
ومن بغاها لراتبها فساسه ردي = ومن بغاها لاهلها بومة أو حداة
والرجل ياعيالي درعي ومسندي = عقل ناضج وراسي ما تهزه قناة
ان بغيت الشهامة والم ينجدي = وان بغيت الشجاعة مرهبٍ للعداة
وان بغيت السموحة طيب الماردي = البشاشة بوجهه يبتسم للعناة
مايهين المره بالذل مستعبدي = وما يذلل عياله بالشتم والعصاة
رافع الراس حر هيبته ترعدي = يكفي انه يطالع دون حكي الشفاة
لو فقير ولو حظه تقاعس ردي = نكسبه بالتسامح لين يقوى بثبات
لو تجوع المره فصيام متعبدي = تحمد الله وتشكر في الفقر والغناة
ذي شروطي لعاقل بالفكر مرشدي = كان تبغوا نجاحٍ مع شريك الحياة