ياليت كل الناس مثلك ياسلمان

[نشمي المويعزي]

ابيات كتبتها في أخي الذي يصغرني ( سلمان ) حينما كان في سفر وطال غيابه واشتاقت العين لرؤيته إليكم القصيده


ياليت كل الناس مثلك ياسلمان=لا يابعد راسي وياتاج راسي
ياذخر ابوي انشهد إنك كحيلان=تشيل حملٍ ماتشيله سواسي
شوفتك تجلا عني هموم واحزان=وإن غبت بانت غيبتك بإنتكاسي
انته وطن تمشي على هيئة إنسان=واشوف فيك اهلي وربعي وناسي
انته وطن وانا مواطن بك ازمان=ومقطعٍ جوازي الدبلوماسي
ولا قول فيه قصور في كل الاخوان=اقرب لقلبي كلهم من لباسي
اليا ذكرت غيابهم بعض الاحيان=تخرّب الدمعه على قو باسي
وانا اجتلد من كثر ماني بولهان=عليك ياسلمان وابعد نعاسي
بلاه لا تبطي علينا ياسلمان=البعد قاسي واشهب الوقت قاسي