لاتاخذ الا وحدة(ن) كنها الريم

[سحيم الصيعري]

عضاء منتدى الفطاحلة الكرام

السلام عليكم ورحمة الله وبركاته

يسرني ان ابدأ معكم اول مشاركة لي في منتداكم الراقي برقيكم هذه الابيات ،
والتي كانت بسبب ان احد الاخوة الذين كانوا ينامون في كنف العزوبية ،
ارسل لي بيت من الشعر يقول فيه :





جلست مع نفسي وقررت ياسحيم=اني ماناسب كون صبي(ن) سنافي




رديت عليه وقلت :






لاتاخذ الا وحدة(ن) كنها الريم=زينة طبع واسلوب والعقل وافي

تغنيك عن وجه الفقر شينة الخيم=وتعوضك باحساس راقي ودافي

في وجهها المرباع في روضة اخريم=وحديثها عن كل جرح (ن) يشافي

في قربها ترتاح ماتذكر الضيم=تصبح كوابيس الليالي عوافي

تحمل من الدنيا خيار المفاهيم=في راي راعي الصنف خير الملافي

هذيك لاحصلتها فــ أرق للغيم=وانس السنين الكالحات العجافي

لو كان ماتملك من المال مليم=هي راس مال وتعتبر ربح صافي