عادو وحنا يوم عادو فرحنا

[نجم الإبداع]

عاد الاحبه والامل بيننا عاد=عادو وحنا يوم عادو فرحنا
عقب الجفا عادو على غير ميعاد=والّي يدورنا له ندوّر احنا
قبل ارمضان ان طاب للقاف الانشاد=جينا نرحب واسمحو لن سرحنا
من عودة اصحابي يجي القلب منقاد=الّي نقدرهم ومعهم مرحنا
اصحابنا فالمنتدى مثل الاوتاد=غابو ولو هم بيننا لانشرحنا
لكن من عادو لنا قدرهم زاد=بيض القلوب ان طبن والا انجرحنا
اسماء برّاقه تضدن الاضداد=شعار واهل الفكر طيب ان قرحنا
يامرحبا بالي لنا عاد وارتاد=دمّاحة الزله بفرْح وترحنا
عدتو وعاد السعد ياوجيه الاسعاد=عدتو وحنا يوم عدتو فرحنا