حال روحي

[ابراهيم السنيدي]

اخواني واخواتي متذوقي الشعر من شعراء وزوار

اضع امام ذائقتكم الفائقه قصيدتي المتواضعه واتمنى ان تنال على استحسانكم ورضاكم

اخوكم ابراهيم السنيدي


انا بدونك حال روحي عديمه=تايـــه وكـني خــالي دون روحي

اول وانا لي بالهوى الف قـيمه=واليــوم انا مليت ياكــثر نوحي

من شافني قال البخت لك عزيمه=وانا ادري ان إلحَال ماهوب موحي

اخاف ينهين الكـــلام ويضيمه=واخـــاف من خوفي تزيد الجروحي

ياعزي اللي كان كلـــه حشيمه=وينك ترى ما عــاش غيرك طموحي

لو الزمن يبدا بذكرى قـــديمه=ماكان صمتي بدد احـــلام بوحي

كنت اتمنى ودعي الله يديمه=يازينــها في جــد والا مــــزوحي

كانت قسـاوتها قسـاوه حميمه=فيهــا البدايه بس عطـره يفوحي