بين الرجا والياس والهم وإبليس=وسلك ٍ فصل مابين فرح وتعاسه

[ناصر آل شهوان]

مساء الخير للجميع


هذه مصافحه بعد غيابي واتمنى من الله ان تشفع لي الغبيه

وقد تم نشرها من قبل الأستاذ (عبدالعزيز الفدغوش)




بين الرجا والياس والهم وإبليس=وسلك ٍ فصل مابين فرح وتعاسه
أخفي الوجع والموت وسط القراطيس = والوضع لاجا الليل زاد انتكاسه
القلب جاه من البلاوي عواسيس = وجيش الهموم معسكر ٍ به حراسه
يقطعك ياقلب ٍ ملته الأحاسيس = جدد همومك نيته للعساسه
أعلن فرح جوفي للأعلام تنكيس = ووسع الفضا ضيَق ولاشوف ناسه
يا(............) زادوك تحميس = ناس ٍ عليهم مس قلبي التماسه
ياسعد منهو كان خلف الكواليس = وناظر شبيه الريم عقب العماسه
ثم انجلى هم ٍ كما عرش بلقيس = للي غلاه بكل عرق ٍ مداسه
لاماتغير لو تغير تظاريس = من يوم قلبي ذاق حبه بكاسه
قرر وشفت الموت معه الوساويس = لاواهني الخط من يوم داسه
حتى الشمع يتقرَب الخط ويقيس = يبي ينظار صاحبي بالدساسه
وكن الأماكن دمعها بالمحابيس = كلن لعن فرقاه من ضعف باسه
وأستنكرت لعيان نور الفوانيس = وكن الفرح في بعدك أنذب راسه
وشلون ماتقبل علي الغواريس = تغرس وجع فرقا الغوالي غراسه
كن الخفوق اليوم فوق المحاميس = جمر يتوقد في ظميري وحاسه
وياكم مضيع حاجة ٍ به هواجيس= وياكيف حال مضيع اليوم (ماسه)
لاكن فمان الله فوق القراطيس = وأستبشري ياكل قاع بمداسه
وبين الرجا والياس والهم وإبليس =وحبك حشى مازعزع الوقت ساسه

http://www.mixq8.com/uploads/uploads11/kolaes.jpg
في صفحة سحر البيان
بجريدة الهدف (الكويتيه) العدد 1994 السبت 20/ 1/ 2007