حرن على القمه وقع((مصافحه بعد غياب))

[عبدالله الشويمان]

السلام عليكم ورحمة الله وبركاته..

ايها الاحبه اعضاء الفطاحه المحترمين..بعد غياب حضرت ومعي هذه الابيات..
وهي وليدة اللحظه.اتمنى ان تحوز ولو على جزء بسيط من الاستحسان والقبول..


سلام ياللي بالفطاحل عشتوا=ومن غاب كانه حي جاء نكاسي
ولو غبت انا في اي ظرف طاري=ما يعني اني للرفاقه ناسي
مير ان ربي آمرن للدنيا=تقرِّب وتبعد جميع الناسي
حكمة إله الكون عمَّت خلقه=اللي مشوا واللي بقوا جلاسي
واليوم جيت مشوقن لاصحابي=اللي لهم قدرن يشيله راسي
ناس الفطاحل ناس ما ارخصهم=احرص عليهم وانبذ الانجاسي
فيه الرجال اللي تقدر شخصي=وفيه النساء اللي ماجرحوا احساسي
يالله يا ربي تديم الرفقه=على النقا والطيب والايناسي
هذا واقول الصقر طار اووقع=حرن على القمه وقع متواسي

عبدالله الشويمان-الرعد