مـــــــــــرور القصــــــــيم

[سعود القت]

ياوجودي وجد من مر تفتيش القصيم = ما معه رخصه وماشي بسرعه هايله
وقفوه بشين خاطر تقول اكبر خصيم = وابتسم وكشرو واكثرت زمايله
قال ميد العسكري عوذ ابليس الرجيم = وطال ليله في محله وهو يحايله
قال له العسكري وابك والله العظيم = ما نفكك لين ترا النجوم القايله
قال انا في ظرف مير افزعو لي يالرخيم = ابك مافيكم شقردي ويمناً طايله
وطالع الاسما ليه بابقر وباعقيم = والقبيلي غيّر اسمه وحط العايله
وان هذا مثل هذاك كله سيم سيم = غير واحد ناسي الاسم مدري شايله
وكرفسوه بنجدةٍ ساقها عبدالرحيم = وتلها للسجن سرع ونسي مبايله
ويوم جو السجن وليا خفير السجن نيم = وحول ساعه لين لقيوه في دحايله
ودخلوه السجن قال ابك ياعبدالرحيم = المبايل عانه بجنب كرت العايله
انتبه لاينسرق ثم اروح بسين جيم = عطني الجوال ابزهم رفيقٍ جايله
وطنشه ما جا تقل مقترف ذنبٍ جسيم = وزاد من جور الدهر والليال المايله
وقام هو والجندي المستلم شتم وشتيم = ولا نفعه لا رفع صوته ولا محايله
ذا وجودي يوم مريت تفتيش القصيم = ولتركوني لين شفت النجوم القايله