مـات الأمـل ويـا جميـع امنياتـي ...

[عبير الورد]

http://www.up-king.com/almaciat/oy79usqoqcn6bvz7z3q7.gif


مات الأمل ويا جميع امنياتي =وعزيت قلب ٍزايدات ٍ امانيه

الله يحسن فالأماني عزاتي = ويجبر عزا قلب ٍ له اسنين امنّيه

اعشّمه واقول باكر بـياتي = باكر يجي ياقلب ثم تهتني فيه

ويعوّضك بسنينك المقبلاتي = اصبر لعل الشوق ياقلب يدعيه

طالبك لاتحزن وتشقي حياتي = خلي مصافيني وقلبي مصافيه

متعاهدين وعهدنا للمماتي = يوفي بعهده لي وانا العهد بوفيه

ياما قضينا الليل هل اعبراتي = جرح ٍ يبكينا وجرح ٍ نبكّيه

ومن نوحنا الورقا تنوح وتحاتي = تبكي على حال المحبين ترثيه

الحب بلوى والمفارق شتاتي = ودرب الهوى عسر ٍ ولو كنت ماشيه

واللي مشى بالحب سوى سواتي = تجمع له الدنيا دروس ٍ وتعطيه

نمت وامل عمري هو اكبر مناتي = وصحيت من نومي على القلب ينعيه


http://www.up-king.com/almaciat/oy79usqoqcn6bvz7z3q7.gif