وش تبي

[عيدالماجد]

وش تبي ياوقت مني وش تريد= مل قلبي من مصايبك الكبيره

كلما قلت الفرج قالوا بعيد= عيني اتناظر وايديني قصيره

تضحك العالم وانا همومي تزيد = كل مااشكي يقولوا الناس خيره

اصبر وانطر ولاتجزع ياعيد =قلت صابر ودربي مواصل مسيره

رغم اني واثق انه مايفيد =قالوا اعطي للزمن فرصه اخيره

ازرع الاحلام في ارض الجليد =وانتظر منها محاصيل وفيره

وعيش بالاوهام باافكارك وحيد = والحقيقه الزمن يسحب حصيره

حلمي بخل بااوصافه فريد = اعشقه من دون خلق الله الكثيره

به وصوف راقيه وحب اكيد= ومايخون الود او يغدر عشيره

في وجوده عالمي يصبح جديد= واخطفه وانعيش في ابعد جزيره

كان هذا حلم والحين استعيد= وعيي المفقود وعادت لي البصيره

اكتشفني كنت في رحله بعيد = عن حياتي وكل ساعاتي المريره

القى نفسي ساكنه بعالم بليد= بدنيا غداره وايام حقيره

وناس فيها الغش يجري بالوريد =مادروا بالغش وش تالي مصيره

كان هذا احساس ترجمته قصيد= يمكن اني دربي المعتم انيره


للجميع مشرفين واعضاء وزوار بالقلب انتم والوجدان هديتي لكم هذه الابيات وكلي امل ان تعجبكم ولكم مني خالص الحب والتقدير...................... ..............