أنا لو خيروني في كتابة للشعر عنوان***بعد ربي هو اللي ينقذ الشاعر من احزانه

[عايض ابوشيبه]

بأسم ربي أبأبدى بالقصيده وأحبك الأوزان=ترى العالم تحب الشاعر اللي يحبك اوزانه
ابأحبكها وأرتبها وخليها كما المرجان=وخليها كما سهمن صعد وإزدادت أثمانه
أنا للشعر هاوي وأفتخر لاصغت للقيفان =احب اكتب قصيدي وأفتخر في نظم قيفانه
أنا شاعر كتب شعره بعد ماعاف للكتمان=كتم في داخله لوعة زمان وجر لألحانه
دواي الشعر من بعض الجروح وصدت الأعوان=ولاياكثر من مثلي شكى من صدت أعوانه
حلفت إني مذل النفس للي عاش باالنكران=وبعض الناس تسقط قيمته بأسباب نكرانه
أنا والشعر صرنا باالمحبه مثل حب أخوان=أحب الشعر واحس ابتناغم رقت اشجانه
أنا باالشعر أبين مابصدري وأرسمه بأتقان=وبين باالشعر ماضر عايض كثر كتمانه
أرتب للبيوت المحكمه وأكتب لها عنوان=ولابه شاعر الا يجتهد في رسم عنوانه
أنا باالشعر مثل الفارس اللي طب باالميدان=ولابه فارس الا يفتخر في قوة أحصانه
وأنا مادمت عايش وأمتلك قلب وفكر والسان=أبا أكتب للشعر وبأنطقه وأعز بنيانه
وإذا ماضاع فكري بعد ماردد من القرآن=بردد ماحفظته من شعر من قبل نسيانه
وأنا بطلب من الله رحمته واطلبه باالغفران=عسى شعري يكون ابطاعته وأظفر بغفرانه
أنا لو خيروني في كتابة للشعر عنوان=بعد ربي هو اللي ينقذ الشاعر من أحزانه